Qazaqstandyq tennısshi rekordyn jańartyp, WTA reıtınginiń TOP-20-na kirdi
NUR-SULTAN. QazAqparat – Áıelder tennıs qaýymdastyǵy (WTA) reıtınginiń jalǵyz jáne juptyq razrıadtaǵy jańa nusqasy shyqty, dep habarlaıdy Sports.kz.
Álemniń birinshi raketkasy ataǵyn aýstralııalyq Eshlı Bartı saqtap qaldy, ekinshi orynǵa cheh sportshysy Barbora Kreıchıkova shyqty. Ol belarýs Arına Sobolenkony úshinshi orynǵa yǵystyrdy.
Qazaqstannyń myqty ókili Elena Rybakına 20-orynda qaldy, ıÝlııa Pýtıntseva alty oryn joǵaltyp, 45-shi orynǵa tústi. Zarına Dııas alǵashqy júzdikke jaqyndady – 109 orynda.
Juptyq razrıadta alǵashqy úshtikte Katerına Sınıakova men Barbora Kreıchıkova (ekeýi de – Chehııa), sondaı-aq belgııalyq Elıze Mertens tur.
Qazaqstandyq Anna Danılına jeke rekordyn taǵy jańartyp, 20-orynǵa shyqty. Rybakına bir oryn joǵaltyp, 49-shy orynǵa jaıǵasty.
