Qazaqstandyq tennısshi Pragadaǵy týrnırdiń jartylaı fınalyna shyqty
ORAL. QazAqparat - Qazaqstandyq tennısshi Dmıtrıı Popko Pragadaǵy chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, osy jarystyń ekinshi raketkasy bolyp tirkelgen D.Popko shırek fınalda ıtalııalyq Rıkkardo Bonadıomen kezdesti.
Birinshi partııada breık jasaǵan qazaqstandyq tennısshi sol basymdylyǵynan aıyrylǵan joq - 6:3.
Ekinshi sette qarsylastar breıkpen almasty. Degenmen sodan keıin Popko taǵy eki breıkke qol jetkizip, matchty jeńispen túıindedi - 6:2.
Báseke 1 saǵat 23 mınýtqa sozyldy.
D.Popko fınalǵa shyǵý úshin argentınalyqtar Ýgo Karabellı nemese Fakýda Menanyń bireýimen talasady.
Eske sala keteıik, budan buryn qazaqstandyq tennısshilerdiń Kanadaǵy týrnırlerde utylyp qalǵanyn jazǵan bolatynbyz.
