Qazaqstandyq tennısshi Pragadaǵy týrnırdiń fınalynda jeńilip qaldy
NUR-SULTAN. QazAqparat – Qazaqstandyq Dmıtrıı Popko Pragadaǵy chellendjer týrnıriniń fınalynda jeńilip qaldy, dep habarlaıdy QazAqparat tilshisi.
Álemniń 181-inshi, osy jarystyń 2-raketkasy D.Popko fınalda dúnıejúzilik reıtıngte 424-orynda turǵan chehııalyq Dalıbor Svrchınamen oınady.
Birinshi partııada kort ıesi bet qaratpady – 6:0.
D.Svrchına ekinshi sette de basymdylyq kórsete bildi – 7:5.
Báseke 1 saǵat 39 mınýtqa sozyldy.
Match barysynda chehııalyq sportshy eıs jasamasa da, 11 breık-poınttyń altaýyn paıdalana bildi. D.Popko 3 eıs jasap, 6 breık-poınttyń ekeýin ǵana óz esebine jazdy.
Eske sala keteıik, budan buryn qazaqstandyq tennısshiniń Pragadaǵy týrnırdiń fınalyna shyqqanyn jazǵan bolatynbyz.
