Qazaqstandyq tennısshi Portýgalııadaǵy jarystyń shırek fınalyna shyqty
ASTANA. QazAqparat - Qazaqstandyq, álemniń 242-raketkasy Tımofeı Skatov Braga (Portýgalııa) chellendjer jarysynyń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi alǵashqy kezdesýin dúnıejúzilik reıtıngte 260-orynda turǵan domınıkandyq Nık Hardtpen ótkizdi.
T.Skatov 6:4, 6:0 esebimen jeńiske jetti.
Tımofeı ekinshi aınalymda álemniń 152-inshi, osy jarystyń 5-raketkasy, frantsııalyq Manýel Gınarmen sheberlik baıqasty.
Bir saǵattan astam ýaqytqa sozylǵan matchta qazaqstandyq sportshy qarsylasyn 6:1, 6:0 esebimen oısyrata utty.
T.Skatov jartylaı fınalǵa shyǵý úshin álemniń 121-inshi, týrnırdiń 2-raketkasy, ıspanııalyq Karlos Tabernermen talasady.
Eske sala keteıik, budan buryn Elena Rybakınanyń Tokıo týrnırinde jeńilip qalǵanyn jazǵan bolatynbyz.
Sondaı-aq «Astana Open» týrnırinde «Úlken dýlyǵa» jarysynyń bes chempıony óner kórsetedi.
Aleksandr Býblık Frantsııadaǵy týrnırdi jeńispen bastady.
Foto: sports.kz
