Qazaqstandyq tennısshi Portýgalııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyq Aleksandr Nedovesov juptyq synda Eshtorıl (Portýgalııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennısshisi Aısam-ýl-Hak Kýreshımen (Pákistan) birge bastapqy kezdesýin bosnııalyq Tomıslav Brkıch – serbııalyq Nıkola Kachıchpen ótkizdi.
Birinshi partııada qazaqstandyq-pákistandyq jup basymdyq tanytty – 6:2. Ekinshisinde qarsylastary ese qaıyrdy – 6:3.
Sýper taı-breıkte Nedovesov pen Kýreshı jeńisti julyp aldy – 10:4.
Bir saǵat 20 mınýtqa sozylǵan matchta qarsylastar 4 eısten jasap, 5 breık-poınttyń ekeýin paıdalandy.
Nedovesov – Kýreshı juby jartylaı fınalǵa shyǵý úshin jarystyń 1-raketkalary, ulybrıtanııalyq Djeımı Marreı – jańazelandııalyq Maıkl Vınýspen talasady.
Eske sala keteıik, budan buryn tennısten Qazaqstan jasóspirimder quramasynyń Gonkongpen oınaıtynyn, qazaqstandyq tennısshiniń Mıýnhende olımpıada chempıondaryn utqanyn jazǵan bolatynbyz.
