Qazaqstandyq tennısshi Portýgalııadaǵy týrnırdiń fınalyna shyǵa almady
ASTANA. QazAqparat – Qazaqstandyq tennısshi, álemniń 242-raketkasy Tımofeı Skatov Braga (Portýgalııa) chellendjer jarysynyń fınalyna shyǵa almady, dep habarlaıdy QazAqparat tilshisi.
Qazaqstandyq tennısshi jartylaı fınalda dúnıejúzilik reıtıngide 308-orynda turǵan amerıkalyq Nıkolas Moreno De Alboranmen kúsh synasty.
Birinshi partııada qazaqstandyq sportshy basymdylyq tanytty – 6:3.
Ekinshisinde qarsylasy ese qaıyrdy – 7:5.
Úshinshi, sheshýshi sette Tımofeı Skatov 2:0 esebimen alǵa ketkenimen, sol qarqynyn jalǵastyra almady. Amerıkalyq sportshy 6:2 esebimen jeńiske jetti.
Eki saǵat 44 mınýtqa sozylǵan tartysty báseke barysynda T. Skatov 8 breık-poınttyń teń jartysyn paıdalana bildi.
Qarsylasy 4 eıs, 5 breıkpen kózge tústi.
Eske sala keteıik, budan buryn qazaqstandyq tennısshiniń Portýgalııadaǵy jarystyń jartylaı fınalyna shyqqanyn jazǵan bolatynbyz.
Sondaı-aq, Aleksandr Býblık Frantsııadaǵy týrnırdiń jartylaı fınalyna shyqty.
