Qazaqstandyq tennısshi Mysyrdaǵy týrnırdiń jartylaı fınalyna shyqty
NUR-SULTAN. QazAqparat - Qazaqstandyq Beıbit Jýkaev Mysyrda ótip jatqan ITF World Tennis Tour M25 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, B.Jýkaev shırek fınalda ýkraınalyq Georgıı Kravchenkomen kezdesti.
Qazaqstandyq tennısshi qarsylasyn 6:3, 6:4 esebimen utty.
B.Jýkaev 1 saǵat 22 mınýtqa sozylǵan kezdesýde 8 eıs jasap, 7 breık-poınttyń ekeýin paıdalana bildi.
Beıbit fınalǵa shyǵý úshin chehııalyq Lýkash Rosol nemese Belarýs ókili Vladımır Ignatıktiń bireýimen talasady.
B.Jýkaev juptyq synda reseılik Alıbek Kachmazovpen birge búgin jartylaı fınalda kortqa shyǵady.
Eske sala keteıik, budan buryn Devıs kýbogy matchynda Qazaqstan quramasy jarııalanǵanyn jazǵan bolatynbyz.
