Qazaqstandyq tennısshi Mysyrdaǵy týrnırde jeńimpaz atandy
NUR-SULTAN. QazAqparat – Qazaqstandyq Grıgorıı Lomakın juptyq synda Mysyr astanasy Kaırda ótken ITF Men M15 Cairo týrnıriniń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, 23 jastaǵy temirtaýlyq sportshy júlde qory 15 myń AQSh dollaryna baǵalanǵan dodaǵa Qazaqstannan jalǵyz qatysty.
Ol 25 jastaǵy germanııalyq Kaı Vehneltpen birge kezdesýleriniń bárin jeńispen aıaqtady.
Fınalda qazaqstandyq-germanııalyq jup argentınalyq Hýan Ignasıo Gaparsý – Hýan Pablo Pasty 6:4, 6:2 esebimen tize búktirdi.
Onyń aldynda G.Lomakın men K.Vehnelt amerıkalyq Olıver Kroýford – germanııalyq Benedıktini 3:6, 6:3, 10:8, japonııalyqtar Shoheı Chıkamı – Rımpeı Kavakamıdi 6:2, 7:6 jáne ıtalııalyq Danıelı Kapechchı – Franchesko Passarony 3:6, 6:3, 10:5 esebimen jeńdi.
Eske sala keteıik, budan buryn Zara Dárkenniń Serbııadaǵy týrnırde chempıon atanǵanyn, A.Býblıktiń Eshtorıl jarysyndaǵy qarsylasy anyqtalǵanyn, E.Rybakına men Z.Dııastyń reıtıngide joǵary kóterilgenin jazǵan bolatynbyz.
