Qazaqstandyq tennısshi Monterreı týrnıriniń ¼ fınalyna shyqty
NUR-SULTAN. QazAqparat - Qazaqstandyq tennısshi Aleksandr Býblık Monterreı chellendjer týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 120-orynda turǵan A.Býblık ekinshi kezdesýinde álemniń 171-raketkasy, amerıkalyq Mıtchell Krıýgermen kortqa shyqty.
Birinshi partııa taı-breıkke deıin jetip, onda qazaqstandyq tennısshi 7:2 esebimen basymdylyq tanytty.
Ekinshi setti A.Býblık 6:3 esebimen aıaqtady.
Báseke 1 saǵat 15 mınýtqa sozyldy.
A.Býblık jartylaı fınalǵa shyǵý úshin álemniń 91-raketkasy, ıspanııalyq Felısıano Lopes nemese reıtıngte 184-satydaǵy germanııalyq Domınık Kepferdiń bireýimen talasady.
Eske sala keteıik, budan buryn Aleksandr Býblıktiń Monterreı chellendjer týrnırin sátti bastaǵanyn jazǵan bolatynbyz.
Taǵy bir qazaqstandyq tennısshi Zarına Dııas Monterreı týrnıriniń ekinshi aınalymyna shyqqanymen, Belarýs eliniń ókili Vıktorııa Azarenkodan jeńilip qaldy.
