Qazaqstandyq tennısshi Monreal týrnıriniń jartylaı fınalyna shyqty
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına juptyq synda Monreal WTA 1000 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, E.Rybakına reseılik Veronıka Kýdermetovamen birge shırek fınalda norvegııalyq Ýlrıkke Eıkerı – amerıkalyq Ketrın Harrısonmen kezdesti.
Qazaqstandyq-reseılik jup qarsylastaryn 6:0, 6:2 esebimen oısyrata utty.
Báseke 56 mınýtqa sozyldy. Match barysynda E.Rybakına men V.Kýdermetova 3 eıs, 5 breıkke qol jetkizdi. Norvegııalyq-amerıkalyq jup birde-bir ret eıs ne breık jasaı alǵan joq.
Qazaqstandyq-reseılik jup fınalǵa shyǵý úshin kanadalyq Gabrıela Dabrovskı – brazılııalyq Lýıza Stefanımen talasady.
Eske sala keteıik, budan buryn qazaqstandyq tennısshiniń Pragadaǵy týrnırdiń jartylaı fınalyna shyqqanyn jazǵan bolatynbyz.
