Qazaqstandyq tennısshi Mılandaǵy týrnırdiń jartylaı fınalyna shyqty
NUR-SULTAN. QazAqparat - Qazaqstandyq Grıgorıı Lomakın juptyq synda Mılan chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi ýkraınalyq Vladıslav Manafovpen birge shırek fınalda reseılik Alekseı Vatýtın - aýstrııalyq Trıstan-Samıýel Veıssborn jubymen sheberlik baıqasty.
Qazaqstandyq-ýkraınalyq jup 7:6 (7:4), 7:6 (7:1) esebimen jeńiske jetti.
Bir saǵat 45 mınýtqa sozylǵan tartysty matchta Lomakın men Manafov 4 eıs jasap, 5 breık-poınttyń ekeýin paıdalana bildi.
Qazaqstandyq-ýkraınalyq jup fınalǵa shyǵý úshin ıtalııalyq Lýsıano Darderı - brazılııalyq Fernando Rombolımen talasady.
Eske sala keteıik, budan buryn Mıhaıl Kýkýshkınniń Ýımbldonda óner kórsetetinin jazǵan bolatynbyz.
Sondaı-aq álemniń birinshi raketkasy Danııl Medvedev Astana Open týrnırinde oınaıdy.
