Qazaqstandyq tennısshi Mıhaıl Kýkýshkın Ystambuldaǵy ATP Chellendjer serııaly týrnıriniń aqtyq synynda jeńilip qaldy
ASTANA. Tamyzdyń 16-sy. QazAqparat - Keshe, jeksenbi kúni qazaqstandyq tennısshi Mıhaıl Kýkýshkın Ystambuldaǵy ATP Chellendjer serııaly týrnıriniń aqtyq synynda frantsýz Andrıaný Mannarınodan jeńilip qaldy, dep habarlaıdy QazAqparat Chempıonat. Rý saıtyna silteme jasap.
Ystambuldaǵy ATP Chellendjer serııaly týrnırinde M.Kýkýshkınniń joly alǵashqy aınalymda chehııalyq ıAn Hernýshamen (6:4, 6:3), ekinshi kezeńde nemis Denıs Gremelmaıermen (6:3, 6:1), shırek fınalda reseılik Konstantın Kravchýkpen (6:2,6:2) jáne jartylaı fınalda portýgalııalyq Frederıko Djılmen (7:5, 6:4) túıisip, barlyq oıyndarda da jerlesimiz jeńiske jetti.
Alaıda, fınalda Qazaqstannan kelgen tennısshi Mannarınodan úsh sette - 6:4, 3:6, 6:3 esebimen tize búkti. 2008 jyly Anglııadaǵy Chellendjer serııaly týrnıriniń alǵashqy aınalymynda osy eki oıynshy kezdesken bolatyn. Ol kezde de Mannarıno M. Kýkýshkınnen (6:2, 6:4) aılasyn asyrǵan edi.
