Qazaqstandyq tennısshi Mıhaıl Kýkýshkın Kreml kýbogi týrnırinde jeńilip qaldy
ASTANA. 20 qazan. QazAqparat - Qazaqstandyq tennısshi Mıhaıl Kýkýshkın Kreml kýbogi sarapqa salynǵan týrnırdiń shırek fınalyna jete almaı qaldy,
dep habarlaıdy QR tennıs federatsııasynyń resmı saıty.
Mıhaıl Kýkýshkın (ATR reıtıngsinde 65-shi) ekinshi aınalymda óziniń juptyq syndaǵy áriptesi AQSh tennısshisi Aleks Bogomolovtan (ATR reıtıngsinde 37-shi) tartysty ótken matchta úsh sette - 4:6, 6:3, 4:6 esebimen jeńilis tapty.
Eske sala keteıik, qazaqstandyq sportshy atalmysh týrnırdiń juptyq syndarynda da óner kórsetýde. Kýkýshkın men Bogomolov juby birinshi aınalymda reseılik tennısshiler Igor Kýnıtsyn jáne Dmıtrıı Týrsýnov dýetin 7:5, 3:6, 10:8 esebimen utqan bolatyn.
Búgin qazaqstandyq-merıkalyq jup shırek fınalda ózbekstandyq Denıs Istomın men reseılik Mıhaıl Elgınge qarsy turady.
