Qazaqstandyq tennısshi Meksıkadaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyq Grıgorıı Lomakın juptyq synda Mehıko (Meksıka) chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Temirtaý qalasynyń túlegi reseılik Evgenıı Donskoımen birge bastapqy kezdesýinde shveıtsarııalyq ıAkýb Paýl – argentınalyq Hýan Ignasıo Londerony 6:2, 6:2 esebimen utty.
Qazaqstandyq-reseılik jup shırek fınalda jarystyń 1-raketkalary, kolýmbııalyq Nıkolas Barrentos – meksıkalyq Mıgel-Anhel Reıes-Varelamen kúsh synasty.
Birinshi partııada kolýmbııalyq-meksıkalyq jup 6:1 esebimen aıqyn basymdylyq kórsetse, ekinshisinde Lomakın men Donskoı ese qaıyrdy – 6:4. Sodan keıin taı-breıkte jeńisti julyp aldy – 10:6.
Bir saǵat 18 mınýtqa sozylǵan matchta Grıgorıı men Evgenıı 5 eıs jasap, 4 breık-poınttyń teń jartysyn múlt jibermedi. Qarsylastary 2 eıs, 3 breıkpen (4 breık-poınt) kózge tústi.
G.Lomakın men E.Donskoı fınalǵa shyǵý úshin chılılik Nıkolas Harrı – brazılııalyq Mateýs Pýchınellı de Almeıdamen talasady.
Eske sala keteıik, budan buryn Qazaqstan jasóspirimder quramasynyń Aýstralııaǵa jol bergenin, Aleksandr Nedovesovtiń Marokkodaǵy týrnırdiń jartylaı fınalyna shyqqanyn jazǵan bolatynbyz.
Sondaı-aq Andreı Golýbev Marokkodaǵy týrnırdiń jartylaı fınalynda.
