Qazaqstandyq tennısshi Madrıd týrnıriniń jartylaı fınalyna shyqty
NUR-SULTAN. QazAqparat – Qazaqstandyq Denıs Evseev juptyq synda Madrıd chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi túrkııalyq Altýg Chelıkbılekpen birge shırek fınalda ýrýgvaılyq Martın Kýevas – argentınalyq Gılermo Dıýranmen kezdesti.
Qazaqstandyq-túrkııalyq jup 7:6 (7:2), 6:4 esebimen jeńiske jetti.
Bir saǵattan astam ýaqytqa sozylǵan báseke barysynda D.Evseev pen A.Chelıkbılek 1 eıs jasap, 9 breık-poınttyń úsheýin qur jibermedi. Qarsylastary 5 eıs, 2 breıkpen kózge tústi.
Qazaqstandyq-túrkııalyq jup fınalǵa shyǵý úshin jarystyń ekinshi raketkalary, brazılııalyq Rafael Matos – ıspanııalyq Davıd Vega-Ernandespen talasady.
Eske sala keteıik, budan buryn Germanııanyń birinshi raketkasy Qazaqstanmen matchtyń qıynǵa túsetini týraly aıtqanyn, Aleksandr Býblıktiń Monte-Karlo masters týrnıriniń úshinshi aınalymyna shyǵa almaǵanyn jazǵan bolatynbyz.
Sondaı-aq Qazaqstan – Germanııa matchynyń jerebesi tartyldy.
Qazaqstan quramasy alǵash ret aımaqtyq Devıs kýbogynyń jartylaı fınalyna shyqty.
