Qazaqstandyq tennısshi Madrıd týrnıriniń irikteý saıysynda jeńilip qaldy
ASTANA. QazAqparat – Qazaqstandyq Tımofeı Skatov Madrıd masters týrnıriniń irikteý saıysynda jeńilip qaldy, dep habarlaıdy QazAqparat tilshisi.
Dúnıejúzilik reıtıngte 144-orynda turǵan T. Skatov irikteý saıysynyń birinshi aınalymynda álemniń 85-raketkasy, ıtalııalyq Marko Chekkınatomen sheberlik baıqasty.
Birinshi partııada qazaqstandyq tennısshi 6:3 esebimen basym tústi. Alaıda, sodan keıin ıtalııalyq sportshy kúsh alyp ketti – 6:2, 6:3.
Eki saǵat 15 mınýtqa sozylǵan tartysty báseke barysynda T. Skatov 4 breık-poınttyń úsheýin paıdalandy. Qarsylasy 5 breıkpen (10 breık-poınt) kózge tústi.
Eske sala keteıik, budan buryn Elena Rybakınanyń Madrıd masters týrnırinde baq synaıtynyn jazǵan bolatynbyz.
