Qazaqstandyq tennısshi Lıssabonda týrnırdiń úshinshi raketkasyn utty
ASTANA. QazAqparat - Álemniń 233-raketkasy, qazaqstandyq Tımofeı Skatov Lıssabon (Portýgalııa) chellendjer týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekinshi aınalymda álemniń 122-inshi, osy jarystyń úshinshi raketkasy, ıtalııalyq Franchesko Passaromen kezdesti.
T.Skatov birinshi partııada 6:1 esebimen aıqyn basymdylyq kórsetti.
Ekinshisinde qarsylasyna ese jiberdi - 5:7.
Úshinshi, sheshýshi sette Skatov taǵy da oıyn tizginin óz qolyna aldy - 6:1.
Eki saǵat 47 mınýtqa sozylǵan tartysty báseke barysynda T.Skatov eıs jasaǵanymen, 18 breık-poınttyń jeteýin paıdalana bildi. F.Passaro 1 eıs, 3 breıkpen (10 breık-poınt) kózge tústi.
T.Skatov jartylaı fınalǵa shyǵý úshin álemniń 165-raketkasy, frantsııalyq Benýa Permen talasady. Ol ekinshi aınalymda dúnıejúzilik reıtıngte 331-orynda turǵan ıtalııalyq Djanmarko Moronıdi joldan taıdyrdy. Esep 6:4, 4:3 bolyp, Per jeńip jatqan kezde Moronı matchty jalǵastyrýdan bas tartty.
Eske sala keteıik, budan buryn qazaqstandyq Lıssabon týrnırin jeńispen bastaǵanyn jazǵan bolatynbyz.
Qazaqstandyq tennısshiler Bolgarııadaǵy jarystyń shırek fınalyna shyqty.
Sondaı-aq qazaqstandyq tennısshi Italııadaǵy týrnırdiń shırek fınalyna ótti.
Beıbit Jýkaev Astana Open ATP 500 týrnırinde óner kórsetkisi keledi.
Foto: ktf.kz
