Qazaqstandyq tennısshi Lıssabon týrnırin jeńispen bastady
ASTANA. QazAqparat – Qazaqstandyq, álemniń 233-raketkasy Tımofeı Skatov Lıssabon (Portýgalııa) chellendjer týrnırin jeńispen bastady, dep habarlaıdy QazAqparat tilshisi.
Ótken aptada Portýgalııada Braga jarysynyń jartylaı fınalyna deıin jetken T.Skatov bul joly bastapqy kezdesýin dúnıejúzilik reıtıngte 303-orynda turǵan ıspanııalyq Orıol Roka Batalıamen ótkizdi.
Qazaqstandyq sportshy taı-breıkpen aıaqtalǵan eki partııada 7:6 (10:8), 7:6 (7:5) esebimen basym tústi.
Úsh saǵatqa jýyq ýaqytqa sozylǵan tartysty báseke barysynda T.Skatov 1 eıs jasap, 4 breık-poınttyń úsheýin óz esebine jazdy. Qarsylasy 3 eıs, 3 breıkpen (12 breık-poınt) kózge tústi.
Tımofeı Skatov shırek fınalǵa shyǵý úshin álemniń 122-inshi, dodanyń 3-raketkasy, ıtalııalyq Franchesko Passaromen talasady.
Eske sala keteıik, budan buryn Aleksandr Býblıktiń álemdik reıtıngide TOP-40-qa jýyqtaǵanyn jazǵan bolatynbyz.
