Qazaqstandyq tennısshi qyzdar jańa maýsymdy Ábý-Dabıde bastaıdy
NUR-SULTAN. QazAqparat – Qazaqstandyq tennısshi qyzdar jańa maýsymdy Ábý-Dabıde bastaıdy, dep habarlaıdy QazAqparat tilshisi.
Áıelder tennısi qaýymdastyǵy (WTA) 5-13 qańtarda ótetin ÁbýDabı týrnırine qatysýshylar tizimin jarııa etti.
Jarysqa qatysýshylar arasynda amerıkalyq Sofıa Kenın, ýkraınalyq Elına Svıtolına, chehııalyqtar Karolına Plıshkova men Marketa Vondroýshova, Belarýs ókili Arına Sobolenko, shveıtsarııalyq Belında Benchıch, ıspanııalyq Garbıne Mýgýrýsa syndy tanymal tennısshiler bar.
Qazaqstannan aıtýly dodada Elena Rybakına, ıÝlııa Pýtıntseva jáne ıAroslava Shvedova baq synamaqshy.
Aıta keteıik, 10-13 qańtarda Dýbaıda Aýstralııa ashyq chempıonatynyń irikteý saıystary bolady. Al negizgi jarys 8 aqpanda bastalady. Bul «Úlken dýlyǵa» týrnırine úzdik 100 tennısshiniń qataryna kiretinderdiń deni qatysady. Qazaqstandyqtardan E.Rybakınanyń reıtıngte 19-ynshy, ıÝ.Pýtıntsevanyń 28-inshi, Zarına Dııastyń 80-orynda turǵany belgili. Sonymen qatar Aýstralııa ashyq birinshiligine ıA.Shvedova da shaqyrtý aldy.
