Qazaqstandyq tennısshi qyzdar Úndistandaǵy jarystyń jartylaı fınalyna ótti

ASTANA. QazAqparat – Qazaqstandyqtar Jibek Qulambaeva men Gózal Aınıtdınova juptyq synda Úndistannyń Pýna qalasynda ótip jatqan ITF W40 týrnıriniń jartylaı fınalyna ótti, dep habarlaıdy QazAqparat tilshisi.

Qazaqstandyq jup shırek fınalda dodanyń 4-raketkalary, ózbekstandyq Nıgına Abdýraımova – taıbeılik En-Shý Langpen sheberlik baıqasty.

Ózbekstandyq-taıbeılik dýet birinshi partııada 6:2 esebimen basym tústi. Alaıda ekinshi sette 1:2 esebimen utylyp jatqan sátte matchty jalǵastyrýdan bas tartty.

Osylaısha, J.Qulambaeva men G.Aınıtdınova jartylaı fınalǵa joldama aldy. Olardyń kelesi qarsylastary keıin anyqtalady.

Eske sala keteıik, budan buryn Aýstralııa chempıonatynda Elena Rybakınanyń alǵash ret fınalǵa shyqqanyn jazǵan bolatynbyz.

Sondaı-aq E.Rybakına 1 mln astam dollar tabys tapty.

Elena Rybakına alǵash ret úzdik ondyqqa enedi.

Elena Rybakınanyń fınaldaǵy qarsylasy anyqtaldy.

Elena Rybakına eıs jasaýdan úzdik atandy.

Foto – Qazaqstan tennıs federatsııasy.