Qazaqstandyq tennısshi qyzdar Túrkııa men Frantsııadaǵy týrnırde júldeger atandy
ASTANA. QazAqparat - Adel Malǵonysova men Sofııa Baranova Túrkııadaǵy tennıs týrnırinde juptyq kezdesýlerde top jardy, al Іńkár Dúısebaı Frantsııada úshinshi oryndy ıelendi, dep habarlaıdy «QazAqparat» HAA tilshisi.
Qazaqstan Tennıs federatsııasynyń habarlaýynsha, qazaqstandyq jas tennısshiler - Adel Malǵonysova men Sofııa Baranova Ystanbulda ótken Tennis Europe Koza WOS Cup týrnıriniń juptyq kezdesýlerinde jeńiske jetti. Al 10 jasar Іńkár Dúısebaı Frantsııada 57 elden jınalǵan 400 bala qatysqan Mouratoglou by TEN-Pro Global Junior Tour halyqaralyq týrnırinde úshinshi oryn aldy.
Júldeger qyzdardyń barlyǵy Almaty qalasyndaǵy «Qazaqmys» tennıs klýbynyń tárbıelenýshileri ekenin aıta ketken jón.
