Qazaqstandyq tennısshi qyzdar Federatsııa Kýbogynda jeńiske jetti
ASTANA. 8 aqpan. QazAqparat - Qazaqstannyń tennısten áıelder quramasy Federatsııa Kýbogynyń Azııa/Tynyq muhıty elderi beldeýiniń birinshi tobynda bolǵan kezdesýde Taılandtan basym tústi.
Bul týraly Vesti.kz habarlady.
Ksenııa Pervaktyń jeke oıyndaǵy jeńisi men ıAroslava Shvedovanyń jeńilisinen keıin qazaqstandyq qurama atalmysh topta jeńiske jetý úshin juptyq jarysta bar kúshin salýǵa mindetti boldy. Komanda kapıtany ıÝrıı Karlov kortqa Galına Voskoboeva men ıAroslava Shvedovany shyǵarýdy sheshti.
Noppavan Lertchıvakarn men Varatchaı Vongteanchaıǵa qarsy kezdesý qazaqstandyq jup úshin ońaı bolmady. Birinshi sette Shvedova men Voskoboeva 2:6 esebimen jeńilip qalǵanymen, keıin jarys barysyn ózgertip, 6:2, 6:0 esebimen qarsylastarynyń qoldarynan jeńisti sýyryp aldy.
Qazaqstan Úndistan men Taılandty jeńip, topta kóshbastady. Endi Federatsııa Kýbogynyń ekinshi Álemdik tobyna shyǵý úshin baq talastyrady.
