Qazaqstandyq tennısshi qyzdar Federatsııa kýbogynda Ózbekstannan basym tústi
ASTANA. 10 aqpan. QazAqparat - Qazaqstandyq tennısshiler ıAroslava Shvedova men Galına Voskoboeva ózbek qyzdary - Aqgúl Amanmýradova / Nıgına Abdýraımova jubyn utyp, elimizdiń komandasyna Federatsııa kýbogynyń ekinshi álemdik tobynyń pleı-off kezeńine joldama alyp berdi, dep habarlaıdy Vesti.kz.
Esterińizge sala keteıik, Ózbekstanmen kezdesýdi Ksenııa Pervak bastaǵan bolatyn. Ol Abdýraımovany 6:0, 6:4 esebimen túze búktirdi. Kelesi matchqa Qazaqstannyń birinshi nómirli raketkasy Shvedova men ózbektiń úzdigi Amanmýradova shyqty. Teketireske toly oıynda qarsylas aılasyn asyrǵan edi.
Osylaısha kezdesý taǵdyry Astanadaǵy juptyq oıynda sheshiletin boldy. osy matchta Shvedova men Voskoboeva 6:2, 6:4 esebimen jeńiske jetti.
