Qazaqstandyq tennısshi Karatancheva AQSh-tyń Phoenix týrnırinde jeńimpaz atandy
ASTANA. 14 qarasha. QazAqparat - Qazaqstandyq tennısshi Sesıl Karatancheva AQSh-ta ótken ITF serııasyndaǵy Phoenix týrnırin baǵyndyrdy.
Búgin tańerteń týrnırdiń sońǵy sheshýshi matchtynda Karatancheva Portýgalııa tennısshisi Mıshel Larsher de Brıtomen kezdesý ótkizip, qarsylasyn 6:1, 7:5 esebimen eki sette tize búktirdi.
Budan bir kún buryn jartylaı fınaldyq kezdesýde jerlesimiz amerıkalyq sportshy qyz Medıson Keısti - 1:6, 7:6, 6:3 esebimen jeńgen bolatyn.
Osy bıiginen keıin otandasymyz týrnırdiń 75 myń AQSh dollar syıaqysyn alyp qana qoımaı, Halyqaralyq áıelder tennısi qaýymdastyǵynyń álemdik reıtingisinde birden 37 satyǵa joǵarylap, 175-orynnan 138-orynǵa jaıǵasty.
