Qazaqstandyq tennısshi Italııadaǵy týrnırdiń jartylaı fınalyna shyǵa almady
ORAL. QazAqparat – Qazaqstandyq Tımofeı Skatov Perýdja (Italııa) týrnıriniń jartylaı fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 325-orynda turǵan T.Skatov shırek fınalda álemniń 301-raketkasy, horvatııalyq Nıno Serdarýshıchpen kezdesti.
Asa tartysty ótken matchta qazaqstandyq tennısshi 7:6 (8:6), 4:6, 4:6 esebimen ese jiberdi.
Úsh saǵatqa jýyq sozylǵan báseke barysynda horvatııalyq sportshy 4 breık-poınttyń ekeýin paıdalanyp, 9 eıs jasady. T.Skatov eıs te, breık te jasaı almady.
Degenmen jarysty irikteý saıystarynan bastap, shırek fınalǵa jetýin 20 jastaǵy T.Skatovtyń tabysy dep baǵalaýǵa bolady.
Nıno Serdarýshıch fınalǵa shyǵý úshin reıtıngte ózinen eki saty tómen turǵan ýkraınalyq Vıtalıı Sachkomen talasady.
Eske sala keteıik, budan buryn qazaqstandyq tennısshiniń Italııadaǵy týrnırdiń shırek fınalyna shyqqanyn jazǵan bolatynbyz. Sondaı-aq qazaqstandyq jas tennısshi elorda týrnıriniń jartylaı fınalyn a shyqty.
