Qazaqstandyq tennısshi Italııadaǵy týrnırdiń shırek fınalyna ótti

ASTANA. QazAqparat – Qazaqstandyq Andreı Golýbev juptyq synda Italııada Týrın chellendjer týrnıriniń shırek fınalyna ótti, dep habarlaıdy QazAqparat tilshisi.

Qazaqstandyq tennısshi ýkraınalyq Denıs Molchanovpen birge bastapqy kezdesýin ulybrıtanııalyqtar Djýlıan Kesh – Anrı Pattenmen ótkizdi.

Eki saǵatqa jýyq ýaqytqa sozylǵan tartysty kezdesýde qazaqstandyq-ýkraınalyq jup 7:6 (7:2), 5:7, 10:8 esebimen jeńiske jetti.

A.Golýbev pen D.Molchanov 2 eıs jasap, 4 breık-poınttyń teń jartysyn paıdalandy. Qarsylastary 9 eıs, 3 breıkpen (10 breık-poınt) kózge tústi.

Qazaqstandyq-ýkraınalyq dýet jartylaı fınalǵa shyǵý úshin argentınalyq Sebastıan Baes – brazılııalyq Tıago Ýaıldpen talasady.

Osy jarysta taǵy bir qazaqstandyq Aleksandr Nedovesov serbııalyq Nıkola Kachıchpen birge baq synaıdy.

Eske sala keteıik, budan buryn Tımofeı Skatovtyń Rolan Garros týrnırine daıyndalyp jatyrǵanyn jazǵan bolatynbyz.

Sondaı-aq Anna Danılına juptyq synda Parıj jarysynyń jartylaı fınalyna ótti.

Elena Rybakına Rımde álemniń 1-raketkasyn jeńip, jartylaı fınalǵa shyqty. Ol birinshi raketkamen taǵy kezdeskisi keletinin aıtty.

E.Rybakına masters týrnırlerindegi jeńister boıynsha álemde úzdik atanǵanyn da jazǵan edik.