Qazaqstandyq tennısshi Italııada Týrın týrnıriniń jartylaı fınalyna shyqty
Qazaqstandyq tennısshi ýkraınalyq Denıs Molchanovpen birge shırek fınalda argentınalyq Sebastıan Baes – brazılııalyq Tıago Ýaıldpen kezdesýi kerek edi.
Alaıda qarsylastary kelmeı qaldy da, A.Golýbev pen D.Molchanov oınamastan jartylaı fınalǵa joldama aldy.
Sonymen qatar osy dodada Aleksandr Nedovesov serbııalyq Nıkola Kachıchpen birge bastapqy básekesin sátti ótkizdi. Olar ıtalııalyqtar Flavıo Kobollı – Djýlıo Zeppıerıdi 5:7, 7:6 (7:4), 10:6 esebimen tize búktirdi.
Jarystyń 4-raketkasy bolyp tirkelgen A.Nedovesov pen N.Kachıch jartylaı fınalǵa shyǵý úshin rýmynııalyq Vlad Vıktor Kornıa – venesýelalyq Lýıs-Davıd Martınespen talasady.
Qos qazaqstandyq tennısshi aldaǵy qarsylastaryn utsa, fınalda ǵana kezdesýi múmkin.
Taǵy bir qazaqstandyq Grıgorıı Lomakın horvatııalyq Zvonımır Babıchpen birge Portýgalııada ótip jatqan Oeırash chellendjer týrnıriniń jartylaı fınalyna shyǵa almady. Olar shırek fınalda portýgalııalyqtar Djeımı Farııa – Enrıke Roshadan jeńilis tapty – 1:6, 4:6.
Eske sala keteıik, budan buryn Elena Rybakınanyń Rımde álemniń 1-raketkasyn jeńip, jartylaı fınalǵa shyqqanyn jazǵan bolatynbyz.
Sondaı-aq Elena Rybakına álemniń birinshi raketkasymen taǵy kezdeskisi keletinin aıtty.
Elena Rybakına masters týrnırlerindegi jeńister boıynsha álemde úzdik atandy.
Qazaqstandyq tennısshi Italııadaǵy týrnırdiń shırek fınalyna ótti.
Rolan Garros týrnıri 2004 jyldan beri alǵash ret Rafael Nadalsyz ótedi.
