Qazaqstandyq tennısshi Ispanııadaǵy jarystyń shırek fınalyna shyqty

ASTANA. QazAqparat – Qazaqstannyń ekinshi, álemniń 155-raketkasy Tımofeı Skatov Ispanııanyń Jırona qalasynda ótip jatqan chellendjer týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi aldymen dúnıejúzilik reıtıngte 172-orynda turǵan frantsııalyq Loren Lokolıdi 6:3, 6:2 esebimen utty.

Sodan keıin ekinshi aınalymda álemniń 214-raketkasy, serbııalyq Mılıan Zekıchti joldan taıdyrdy – 6:0, 6:4.

T.Skatov jartylaı fınalǵa shyǵý úshin reıtıngte 241-satydaǵy reseılik Ivan Gahovpen talasady.

Qazaqstandyq, álemniń 343-raketkasy Beıbit Juqaev Frantsııanyń Lıll qalasynda ótip jatqan chellendjer týrnırinde asa tartysty básekede 18 eıs jasaǵanymen, reıtıngtegi 99-oryndaǵy aýstralııalyq Maks Perselge ese jiberdi – 6:7 (1:7), 6:2, 6:7 (5:7).

Osy jarysta álemniń 275-raketkasy Mıhaıl Kýkýshkın reıtıngte 348-satydaǵy frantsııalyq Kennı Dı Shepperge jol berdi – 2:6, 3:6.

Eske sala keteıik, budan buryn Elena Rybakınanyń Maıamı masters týrnıriniń jartylaı fınalyna shyqqanyn jazǵan bolatynbyz.

Sondaı-aq Elena Rybakına Serena Ýılıamstiń tarıhı nátıjesin qaıtalady.

Elena Rybakına eıs jasaý jóninen álem tennısshileriniń kóshin bastady.

Qazaqstan jasóspirimderi álem chempıonatynyń joldamasy úshin Japonııamen talasady.