Qazaqstandyq tennısshi Ispanııadaǵy týrnırdiń jeńimpazy atandy
NUR-SULTAN. QazAqparat – Qazaqstandyq Tımofeı Skatov Ispanııadaǵy Melıle ITF týrnıriniń jeńimpazy atandy, dep habarlaıdy QazAqparat tilshisi.
Dúnıejúzilik reıtıngte 472-orynda turǵan 19 jastaǵy qazaqstandyq tennısshi atalmysh dodanyń ekinshi raketkasy bolyp tirkelip, barlyǵy bes kezdesý ótkizdi.
Sonyń ishinde T.Skatov jartylaı fınalda Nıderlandy ókili Maks Haýkesti 6:2, 6:1 esebimen tize búktirdi.
Fınalda reıtıngte 724-satydaǵy danııalyq Holger Rýnemen bas júldeni sarapqa saldy.
Birinshi partııada danııalyq sportshy basym tústi – 6:3.
Ekinshi sette T.Skatov qarsylasyna birde-bir geım bergen joq – 6:0.
Úshinshi, sheshýshi partııada qazaqstandyq tennısshi breıkpen alǵa ketti – 2:1. Taǵy bir breık – 4:1. T.Skatov matchty taǵy bir breıkpen túıindedi – 6:1.
Tartysty ótken báseke 2 saǵat 22 mınýtqa sozyldy.
Eske sala keteıik, budan buryn Elena Rybakınanyń Strasbýrg týrnıriniń fınalynda utylyp qalǵanyn jazǵan bolatynbyz.
