Qazaqstandyq tennısshi Ispanııadaǵy týrnırdiń shırek fınalyna shyqty

ASTANA. QazAqparat – Qazaqstandyq tennısshi, álemniń 319-raketkasy Mıhaıl Kýkýshkın Ispanııanyń Mýrsııa qalasynda ótip jatqan chellendjer týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda dúnıejúzilik reıtıngide ózinen úsh saty joǵary turǵan ıspanııalyq Alvaro Lopes San Martınmen sheberlik baıqasty.

Birinshi partııada M. Kýkýshkın aıqyn basymdylyq kórsetti – 6:1.

Ekinshi sette taı-breık (6:6) bastalǵan mezette ıspanııalyq sportshy matchty jalǵastyrýdan bas tartty.

Bir jarym saǵattan astam ýaqytqa sozylǵan báseke barysynda M. Kýkýshkın 1 eıs jasap, 4 breık-poınttyń úsheýin paıdalandy. Qarsylasy 2 eıs, 1 breıkten (3 breık-poınt) asa alǵan joq.

Mıhaıl Kýkýshkın jartylaı fınalǵa shyǵý úshin álemniń 116-raketkasy, ıtalııalyq Matteo Arnaldı nemese reıtıngide 16-satydaǵy belgııalyq Kımmer Koppeıanstiń bireýimen talasady.

Eske sala keteıik, budan buryn ıÝlııa Pýtıntsevanyń Charlston týrnıriniń úshinshi aınalymyna shyǵa almaǵanyn jazǵan edik.