Qazaqstandyq tennısshi Ispanııadaǵy týrnırdiń fınalyna shyǵa almady
NUR-SULTAN. QazAqparat – Qazaqstandyq, álemniń 250-raketkasy Tımofeı Skatov Sevılıa (Ispanııa) chellendjer týrnıriniń fınalyna shyǵa almady, dep habarlaıdy QazAqparat tilshisi.
Qazaqstandyq tennısshi jartylaı fınalda álemniń 79-ynshy, osy jarystyń 2-raketkasy, ıspanııalyq Bernabe Sapata Mıralespen kúsh synasty.
Oıyn ıspanııalyq sportshynyń basymdylyǵymen ótip, Mırales 6:2, 6:1 esebimen jeńiske jetti. Ol bir saǵattan astam ýaqytqa sozylǵan matchta 1 eıs jasap, 6 breık-poınttyń tórteýin múlt jibergen joq.
T.Skatov eıs te, breık te jasaı almady.
Mırales fınalda otandasy, álemdik reıtıngte ózinen bir saty tómen turǵan Roberto Karbales Baenamen bas júldeni sarapqa salady. Olardyń ekeýi de AQSh ashyq chempıonatynda baq synaǵan bolatyn.
Eske sala keteıik, budan buryn tennısshi Tımofeı Skatovtyń Ispanııadaǵy jarystyń jartylaı fınalyna shyqqanyn jazǵan bolatynbyz.
