Qazaqstandyq tennısshi Hasanov ITF Futures týrnırinde jeńiske jetti
ASTANA. QazAqparat - Qazaqstandyq tennısshi Roman Hasanov Kıevte ótken júlde qory 15 000 dollar bolatyn ITF Futures halyqaralyq týrnırinde jeńiske jetti. Bul jaıly Qazaqstan tennıs federatsııasynyń baspasóz qyzmetine silteme jasap «QazAqparat» HAA tilshisi habarlaıdy.
Fınalda Hasanov ýkraınalyq Artem Smırnovtan 6:4, 6:2 esebimen basym tústi. Al, jartylaı fınalda Vıtalıı Sachkony eki sette 6:4; 6:2 esebimen, shırek fınalda Vladımır Ýjılovskııdi 7:5; 6:2 esebimen jeńdi.
Aıta keteıik, týrnırdiń alǵashqy aınalymdarynda qazaqstandyq tennısshi Aleksandr Belınskııdi (Ýkraına) 6:3, 6:4 esebimen, Nıkıta Mashtakovty (Ýkraına) 6:4, 5:7, 7:6 (6) esebimen tize búktirgen bolatyn.
