Qazaqstandyq tennısshi hanzada Ýılıamnyń jubaıymen kezdesti
ASTANA. QazAqparat - Qazaqstandyq tennısshi Aleksandr Býblık (WTA reıtıngisinde 135-inshi orynda) «Ýımbldondaǵy» jarysty aıaqtap, belgili tulǵalarmen kezdesip úlgerdi, dep habarlaıdy Sports.kz.
20 jastaǵy qazaqstandyq sportshyǵa kembrıdjtik gertsog Ýılıamnyń jubaıy Keıt Mıddltonmen kezdesý sáti buıyrdy.
«Keıt Mıddltonmen kezdeskenime qýanyshtymyn. Jyly lebizderine rahmet!», - dep jazdy Býblık Tvıtterdegi paraqshasynda.
Aleksandardyń bastapqyda jerebe tańdaýda joly bolmady - Endı Marremen (álemniń birinshi raketkasy) bolǵan alǵashqy aınalym matchy úsh sette de brıtandyq tennısshiniń jeńisimen aıaqtaldy - 6:1, 6:4, 6:2.
Alaıda oıynnan keıin Endı jaýyn kezindegi úzilis ýaqytynda qazaqstandyq tennısshimen áńgimeleskendigin jáne ol jaıly jaqsy áserde qalǵandyǵyn aıtyp, onyń erekshe daryn ıesi ekendigin moıyndaǵan.
