Qazaqstandyq tennısshi Grýzııadaǵy jarysta úzdik shyqty
NUR-SULTAN. QazAqparat – Qazaqstandyq Grıgorıı Lomakın juptyq synda Tbılısıde (Grýzııa) ITF jarysynda úzdik shyqty, dep habarlaıdy QazAqparat tilshisi.
Qazaqstan tennıs federatsııasynan málim etkendeı, júlde qory 25 myń AQSh dollaryna baǵalanǵan týrnırdiń birinshi raketkalary bolyp tirkelgen G. Lomakın men Belarýs ókili Ivan Lıýtarevıch barlyq básekelerin jeńispen aıaqtady.
Lomakın men Lıýtarevıch fınalda belorýssııalyqtar Erık Arýtıýnıan - Danııl Ostapenkovpen kezdesti.
Qazaqstandyq-belorýssııalyq jup úsh setke sozylǵan tartysty matchta 3:6, 7:6 (7:4), 10:5 esebimen jeńiske jetti.
Osylaısha, G. Lomakın óziniń sporttyq jolynda juptyq synda ITF dodalaryndaǵy 16-shy, bıylǵy ekinshi tıtýlyna qol jetkizdi.
Eske sala keteıik, budan buryn qazaqstandyq jas tennısshilerdiń halyqaralyq jarystardyń chempıony atanǵanyn jazǵan bolatynbyz.
Sondaı-aq, Anna Danılına AQSh-taǵy týrnırdiń chempıony atandy.
Al, Elena Rybakına álemdegi úzdik 25 tennısshiniń qataryna qaıta kirdi.
Foto: ktf.kz
