Qazaqstandyq tennısshi Germanııadaǵy jarystyń jeńimpazy atandy
NUR-SULTAN. QazAqparat – Qazaqstandyq tennısshi Anna Danılına juptyq synda Germanııada ótken ITF W100 jarysynyń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, A.Danılına nıderlandylyq Arıanne Hortonomen birge júlde qory 100 myń AQSh dollaryna baǵalanǵan týrnırdiń birinshi raketkalary retinde tirkeldi.
A.Danılına men A.Hortono fınalda úndistandyq Ankıta Raına – nıderlandylyq Van Der Hýkpen bas júlde úshin kortqa shyqty.
Qazaqstandyq-nıderlandylyq jup tartysty básekede 6:7 (4:7), 6:4, 10:6 esebimen jeńiske jetti.
Match 1 saǵat 42 mınýtqa sozyldy.
Osylaısha, A.Danılına juptyq synda 27-inshi, bıylǵy maýsymdaǵy tórtinshi tıtýlyna qol jetkizdi. Sonyń 26-syna Halyqaralyq tennıs federatsııasy (ITF) ótkizgen dodalarda ıe boldy. Oǵan qosa jyl basynda Anna brazılııalyq Beatrıs Haddad Maııamen birge Sıdneıdegi WTA 250 jarysynda úzdik shyqty.
Eske sala keteıik, budan buryn Elena Rybakınanyń alǵash ret Ýımbldon týrnıriniń chempıony atanǵanyn jazǵan bolatynbyz.
Sondaı-aq Ýımbldon chempıony Elena Rybakına barsha jankúıerlerine alǵysyn jetkizdi.
13 jasar tennısshi Zańǵar Nurlanuly Parıjdegi týrnırdiń fınalısi atandy .
