Qazaqstandyq tennısshi Germanııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyq Anna Danılına juptyq synda Bad-Hombýrg (Germanııa) WTA jarysynyń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi reseılik Varvara Grachevamen birge bastapqy kezdesýin germanııalyqtar Taısııa jáne ıAna Mordergermen ótkizdi.
Qazaqstandyq-reseılik jup birinshi partııada aıqyn basymdylyq kórsetti – 6:2. Olar ekinshi sette de qarqynyn báseńdetken joq – 6:4. 1 saǵat 11 mınýtqa sozylǵan báseke barysynda 10 breık-poınttyń beseýin, qarsylastary 4 sondaı múmkindiktiń ekeýin paıdalana bildi.
A.Danılına men V.Gracheva jartylaı fınalǵa shyǵý úshin osy dodanyń 1-raketkalary, horvatııalyq Darıa ıÝrak – slovenııalyq Andreıa Klepachpen talasady.
A.Danılına keshe jekeleı synda japonııalyq Mısakı Doıdan utylyp qalǵan edi.
Eske sala keteıik, budan buryn M.Kýkýshkınniń Istbýrnda negizgi jarysqa joldama alǵanyn, qazaqstandyq jas tennısshiniń Grýzııada eki márte chempıon atanǵanyn jazǵan bolatynbyz.
M.Kýkýshkın Istbýrn ATP 250 jarysynyń alǵashqy aınalymynda taǵy bir qazaqstandyq Aleksandr Býblıkpen ózara kezdesedi.
