Qazaqstandyq tennısshi Galına Voskoboeva Rogers Cup 2011 halyqaralyq týrnıriniń ekinshi aınalymyna shyqty
ASTANA. 10 tamyz. QazAqparat - Qazaqstandyq tennısshi Galına Voskoboeva Kanadanyń Toronto qalasynda ótip jatqan júlde qory 2 mıllıon dollardan asatyn Rogers Cup 2011 halyqaralyq týrnıriniń ekinshi aınalymyna shyqty.
Bul aqparatty QR Tennıs federatsııasynyń baspasóz qyzmetinen habarlady.
Alǵashqy aınalymda qazaqstandyq tennısshi frantsýzdyq Marıon Bartolıdi 6:3, 6:3 esebimen jeńdi. Onyń kelesi aınalymdaǵy qarsylasy ıtalıandyq Flavııa Pennetta men reseıdik Marııa Kırılenkonyń oıyndarynan keıin belgili bolady.
