Qazaqstandyq tennısshi G.Voskoboeva Rogers Cup 2011 halyqaralyq týrnıriniń shırek fınalynda súrindi
ASTANA. 15 tamyz. QazAqparat - Qazaqstandyq tennısshi Galına Voskoboeva Kanadanyń Toronto qalasynda ótip jatqan júlde qory 2 mıllıon dollardan asatyn Rogers Cup 2011 halyqaralyq týrnıriniń shırek fınalynda utylyp qaldy.
Bul aqparatty QR Tennıs federatsııasynyń baspasóz qyzmetinen habarlady.
Shırek fınaldyq oıynda G.Voskoboeva 2 sette 6:1, 6:2 esebimen belarýs tennısshisi Vıktorııa Azarenkoǵa ese jiberdi.
Esterińizge sala keteıik, alǵashqy aınalymda qazaqstandyq tennısshi álemniń úzdik 10 tennısshisi qataryna kiretin frantsýz Marıon Bartolıdi 6:3, 6:3 esebimen jeńgen bolatyn. Ekinshi aınalymda ıtalıandyq Flavııa Pennettamen qarsylas bolǵan qazaqstandyq sportshy birinshi sette 2:6 esebimen utylyp qalǵan edi. Degenmen ekinshi sette jınaqylyq tanytqan G.Voskoboeva qarsylasyn 6:3 esebimen tize búktirdi. Sońǵy sát te bizdiń sportshynyń aıqyn basymdylyǵymen aıaqtaldy, esep 6:2. Al qazaqstandyq tennısshi úshinshi aınalymda reseılik tennısshi, álemniń 5-shi raketkasy Marına Sharpovany 6:3, 7:5 esebimen utqan bolatyn.
