Qazaqstandyq tennısshi Frantsııadaǵy týrnırdiń shırek fınalyna ótti
ORAL. QazAqparat – Qazaqstandyq Aleksandr Nedovesov juptyq synda Lıon (Frantsııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
A.Nedovesov meksıkalyq Mıgel Anhel Reıes-Varelamen birge alǵashqy aınalymda otandasy Andreı Golýbev – ekvadorlyq Gonsalov Eskobarmen kezdesti.
Bul kezdesýde qazaqstandyq-meksıkalyq jup 7:6 (7:4), 6:3 esebimen jeńiske jetti.
Bir saǵat 35 mınýtqa sozylǵan báseke barysynda Nedovesov pen Reıes-Varela 2 eıs jasap, 8 breık-poınttyń teń jartysyn múlt jibermedi. Golýbev – Eskobaro 3 eıs, 3 breıkpen (6 breık-poınt) kózge tústi.
Qazaqstandyq-meksıkalyq dýetke shırek fınal qıynǵa túsedi. Olar jartylaı fınalǵa shyǵý úshin jarystyń 1-raketkalary, amerıkalyq Radjıv Ram – ulybrıtanııalyq Djo Selısberımen talasady.
Júlde qory 562 815 eýroǵa baǵalanǵan Lıon dodasy 27 mamyrda máresine jetedi.
Eske sala keteıik, budan buryn Anna Danılınanyń juptyq synda Rabat jarysynyń shırek fınalyna shyqqanyn jazǵan bolatynbyz.
Sondaı-aq Aleksandr Býblık Jenevada jeńilip qaldy.
