Qazaqstandyq tennısshi Frantsııadaǵy týrnırdiń fınalyna shyqty
NUR-SULTAN. QazAqparat – Qazaqstannyń juptyq syndaǵy birinshi, álemniń 22-raketkasy Anna Danılına Frantsııadaǵy Bıarrıtse W60 týrnıriniń fınalyna shyqty, dep habarlaıdy QazAqparat tilshisi.
Jarystyń birinshi raketkasy bolyp tirkelgen A.Danılına men ýkraınalyq Valerııa Strahova jartylaı fınalda belgııalyqtar Marı Benýa – Isalın Bonavantıýrmen kezdesti.
Qazaqstandyq-ýkraınalyq jup 1 saǵattan astam ýaqytqa sozylǵan matchta 6:3, 6:2 esebimen jeńiske jetti.
A.Danılına men V.Strahova fınalda argentınalyq Marııa Lýrdes Karle – reseılik Marııa Tımofeevamen bas júldeni sarapqa salady.
A.Danılına jekeleı synda frantsııalyq Lıýsı Ngýen-Tannan 3:6, 4.6 esebimen utylyp, jartylaı fınalǵa óte almady.
Elena Rybakına reseılik Lıýdmıla Samsonovamen birge Hertogenbos (Nıderlandy) WTA 250 týrnıriniń shırek fınalyna shyǵa almady. Olar aýstralııalyq Ellen Peres – slovenııalyq Tamara Zıdanshekpen ótken matchta esep 6:1, 6:7 (6:8) bolǵannan keıin básekeni jalǵastyrýdan bas tartty.
Erler arasynda qazaqstandyq Aleksandr Nedovesov pákstandyq Aısam Kýreshımen birge Shtýtgart ATP 250 dodasynyń shırek fınalynda kanadalyq Denıs Shapovalov – úndistandyq Rohan Bopannaǵa jol berdi – 4:6, 6:3, 9:11.
Mıhaıl Kýkýshkın Nottıngem (Ulybrıtanııa) chellendjer jarysynyń shırek fınalynda aýstralııalyq Djordan Tompsonnan aılasyn asyra almady – 2:6, 6:4, 3:6.
M.Kýkýshkın juptyq synda da aýstralııalyq Djon Mıllmanmen birge shırek fınalda ulybrıtanııalyqtar Djýlıan Kesh – Anrı Pattennen jeńilis tapty – 3:6, 2:6.
Eske sala keteıik, budan buryn Mıhaıl Kýkýshkınniń Ulybrıtanııadaǵy týrnırdiń shırek fınalyna ótkenin jazǵan bolatynbyz.
