Qazaqstandyq tennısshi Frantsııada negizgi jarysqa joldama aldy

ASTANA. QazAqparat – Qazaqstandyq Denıs Evseev Sherbýr (Frantsııa) chellendjer jarysynyń irikteý saıystarynan sátti ótti, dep habarlaıdy QazAqparat tilshisi.

Álemniń 307-raketkasy D.Evseev irikteý saıysynda aldymen frantsııalyq Konstantın Bıttýndy 6:3, 7:6 (7:4) esebimen utty.

Іrikteý saıystarynyń fınalynda D.Evseev taǵy bir qazaqstandyq, reıtıngte 312-orynda turǵan Beıbit Juqaevpen sheberlik baıqasty.

Asa tartysty ótken matchta D.Evseev 6:7 (4:7), 7:6 (8:6), 6:4 esebimen jeńiske jetti.

Eki saǵat jarymnan astam ýaqytqa sozylǵan báseke barysynda Beıbit 12 eıs jasap, 5 breık-poınttyń bireýin ǵana paıdalandy. Denıs 4 eıs, 2 breıkpen (11 breık-poınt) kózge tústi.

Osylaısha, otandasyn joldan taıdyrǵan D.Evseev júlde qory 73 myń AQSh dollaryna baǵalanǵan jarysqa joldama aldy. Onyń alǵashqy aınalymdaǵy qarsylasy keıin anyqtalady.

Eske sala keteıik, budan buryn Elena Rybakınanyń álemdik reıtıngide onynshy ornyn saqtap qalǵanyn jazǵan bolatynbyz.

Bıyl álem tennısshileri arasynda eń kóp tabys tapqan kim ekendigi belgili boldy.

Foto: sports.kz