Qazaqstandyq tennısshi elordadaǵy jarystyń shırek fınalyna shyqty
NUR-SULTAN. QazAqparat - Elordadaǵy Ulttyq tennıs ortalyǵy korttarynda erler men áıelder arasynda ITF serııasy boıynsha M/W25 týrnıri ótip jatyr, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, jalpy júlde qory 50 myń AQSh dollaryna baǵalanǵan jarysta Beıbit Jýkaev shırek fınalǵa joldama aldy.
Aqtaý tennıs mektebiniń túlegi ekinshi aınalymda taǵy bir qazaqstandyq, 18 jastaǵy Islam Orynbasardy 6:3, 3:6, 6:2 esebimen utty.
B.Jýkaev jartylaı fınalǵa shyǵý úshin japonııalyq Sıntaro Imaımen talasady.
Jastardan eresekter qataryna ótken Islamnyń da doda barysynda jaqsy óner kórsetkenin atap ótken jón.
Denıs Evseev juptyq synda jartylaı fınalǵa shyqty. Ol Belarýs ókili Ivan Lıýtarevıchpen birge belorýssııalyqtar Aleksandr Leonenko - Erık Arýtıýnıandy utty - 6:2, 6:4.
Áıelder arasynda Qazaqstannan eshkim qalǵan joq. Endi olar 18 shildede bastalatyn Prezıdent kýbogyna ázirlenedi.
Eske sala keteıik, budan buryn Aleksandr Býblıktiń Nıýport týrnıriniń shırek fınalyna shyqqanyn jazǵan bolatynbyz.
Sondaı-aq qazaqstandyq tennısshi Shvetsııadaǵy jarystyń jartylaı fınalyna ótti.
