Qazaqstandyq tennısshi elordadaǵy týrnırdiń fınalyna shyqty
NUR-SULTAN. QazAqparat – Qazaqstandyq Beıbit Jýkaev elordada ótip jatqan ITF M25 týrnıriniń fınalyna shyqty, dep habarlaıdy QazAqparat tilshisi.
Dúnıejúzilik reıtıngte 614 orynda turǵan Aqtaý tennıs mektebiniń túlegi B.Jýkaev osy jarystyń 6-raketkasy retinde fınalǵa deıin tórt kezdesýin sátti ótkizdi.
Beıbit jartylaı fınalda álemniń 638-inshi, týrnırdiń 7-raketkasy, serbııalyq Hamad Mededovıchpen synǵa tústi.
Eki partııa da tartysty órbip, set taǵdyry taı-breıkte sheshildi. Qazaqstandyq tennısshi qarsylasynan 7:6 (7:2), 7:6 (7:3) esebimen basym tústi.
B.Jýkaev fınalda reıtıngte 482-satydaǵy, osy dodanyń 3-raketkasy, reseılik Alıbek Kachmazovpen bas júldeni sarapqa salady.
Eske sala keteıik, budan buryn Norvegııanyń Qazaqstanmen matchta alǵa shyqqanyn, Aleksandr Býblıktiń tarazy basyn teńestirgenin jazǵan bolatynbyz.
