Qazaqstandyq tennısshi Chehııadaǵy týrnırdiń fınalyna shyqty
NUR-SULTAN. QazAqparat – Qazaqstandyq Aleksandr Nedovesov juptyq synda Chehııada ótip jatqan Prosteev chellendjer týrnıriniń fınalyna shyqty, dep habarlaıdy QazAqparat tilshisi.
Dodanyń 1-raketkasy bolyp tirkelgen qazaqstandyq tennısshi portýgalııalyq Gonsalý Olıveıramen birge aldymen chehııalyqtar Endrıý Paýlson – Patrık Rıkldi 6:4, 6:3 esebimen utty.
Qazaqstandyq-portýgalııalyq jup shırek fınalda argentınalyqtar Federıko Korıa – Fakýndo Menany 6:2, 6:4 esebimen tize búktirdi.
Jartylaı fınalda qarsylastary, bolıvııalyqtar Ýgo Delen men Federıko Sebalos jarysqa shyqpaǵandyqtan, A.Nedovesov pen G.Olıveıra fınalǵa oınamastan ótti. Endi olar sońǵy básekede chehııalyqtar Zdenek Kolar – Roman Jebavymen bas júldeni sarapqa salady.
Sondaı-aq taǵy bir qazaqstandyq Denıs Evseev ózbekstandyq Denıs Istomınmen birge juptyq synda Almaty chellendjer týrnıriniń jartylaı fınalyna ótti. Qos Denıs fınalǵa shyǵý úshin ýkraınalyqtar Vladıslav Manafov – Vıtalıı Sachkomen talasady.
Eske sala keteıik, budan buryn Zara Dárkenniń Ýkraınadaǵy týrnırdiń jartylaı fınalyna shyqqanyn, Elena Rybakınanyń Berlın jarysynyń shırek fınalyna óte almaǵanyn jazǵan bolatynbyz.
