Qazaqstandyq tennısshi Chehııadaǵy týrnırdiń chempıony atandy
NUR-SULTAN. QazAqparat – Qazaqstandyq Aleksandr Nedovesov juptyq synda Chehııanyń Prosteev qalasynda chellendjer týrnıriniń chempıony atandy, dep habarlaıdyQazAqparat tilshisi.
Qazaqstan tennıs federatsııasy málim etkenindeı, A.Nedovesov portýgalııalyq Gonsalý Olıveıramen birge fınalda chehııalyqtar Zdenek Kolar – Roman Jebavydy tize búktirdi.
Tartysty báseke 1:6, 7:6 (7:5), 10:6 esebimen aıaqtaldy.
Qazaqstandyq-portýgalııalyq jup 1 saǵat 30 mınýtqa sozylǵan matchta bir eıs jasap, alty breık-poınttyń bireýin de paıdalana alǵan joq. Esesine qarsylastary eki márte
breık jasady.
Osylaısha A.Nedovesov óziniń sporttyq jolynda juptyq synda chellendjer dodalarynda 21-inshi, bıylǵy maýsymdaǵy altynshy jeńisine qol jetkizdi. Bul onyń jeke rekordtyq kórsetkishi bolyp tabylady.
«Sońǵy eki apta men úshin tabysty boldy. Áýeli Bratıslavada, mine, búgin Prosteevte jeńis tuǵyrynan kórindik. Endi bir aptadaı demalyp, sosyn Aleksandr Býblıkpen birge Ýımbldon jarysyna daıyndalamyn», dedi A.Nedovesov.
Eske sala keteıik, budan buryn qazaqstandyq tennısshiniń Chehııadaǵy týrnırdiń fınalyna shyqqanyn, Elena Rybakınanyń Tokıo Olımpıadasynda tabysty óner kórsetýge baryn salatynyn jazǵan bolatynbyz.
