Qazaqstandyq tennısshi Chehııadaǵy týrnırdi jeńispen bastady
NUR-SULTAN. QazAqparat – Qazaqstandyq Dmıtrıı Popko Ostrava (Chehııa) chellendjer týrnırin jeńispen bastady, dep habarlaıdy QazAqparat tilshisi.
Álemniń 169-raketkasy D.Popko bastapqy kezdesýin dúnıejúzilik reıtıngte 188-orynda turǵan aýstrııalyq Sebastıan Ofnermen ótkizdi.
Birinshi partııada taı-breıkte qazaqstandyq tennısshi sátti oınady – 7:6 (7:5).
Ekinshi sette S.Ofner ese qaıyrdy – 6:3.
Úshinshi, sheshýshi partııada D.Popko jeńisti julyp aldy – 6:4.
Eki saǵat jarymǵa jýyq ýaqytqa sozylǵan match barysynda D.Popko 7 eıspen birge 11 breık-poınttyń tórteýin qur jibergen joq.
D.Popko jarystyń shırek fınalyna shyǵý úshin reıtıngte 272-satydaǵy chehııalyq Ionas Foreıtekpen talasady.
Taǵy bir qazaqstandyq, álemniń 345-raketkasy Denıs Evseev te Rım chellendjer týrnıriniń ekinshi aınalymyna shyqty.
Jarysty irikteý saıystarynan bastaǵan D.Evseev alǵashqy aınalymda álemniń 160-raketkasy, ıtalııalyq Alessandro Djanessımen sheberlik baıqasty. Esep 7:6 (7:5), 3:2 bolǵan mezette qazaqstandyq tennısshiniń qarsylasy matchty jalǵastyrýdan bas tartty.
D.Evseev shırek fınalǵa shyǵý úshin taǵy bir ıtalııalyq, reıtıngte 178-oryndaǵy Djanmarko Moronı synǵa túsedi.
Eske sala keteıik, budan buryn Qazaqstan quramasynyń Devıs kýbogyndaǵy qarsylastary anyqtalǵanyn jazǵan bolatynbyz.
Sondaı-aq Qazaqstan jasóspirimder quramasy ÁCh irikteý kezeńiniń shırek fınalyna shyqty.
