Qazaqstandyq tennısshi Bratıslava týrnıriniń chempıony atandy
NUR-SULTAN. QazAqparat – Qazaqstandyq Aleksandr Nedovesov juptyq synda ýkraınalyq Denıs Molchanovpen birge Bratıslava (Slovakııa) chellendjer týrnıriniń chempıony atandy, dep habarlaıdy QazAqparat tilshisi.
Osy dodanyń 1-raketkalary bolyp tirkelgen qazaqstandyq-ýkraınalyq jup fınalda nıderlandylyq Sander Arends – venesýelalyq Lýıs-Davıd Martınespen bas júldeni sarapqa
saldy.
Qarsylastary da osal emes-tin, olar jarystyń 2-raketkalary bolatyn.
A.Nedovesov pen D.Molchanov tartysty órbigen birinshi partııada taı-breıkte sátti oınaı bildi – 7:6 (7:5).
Ekinshi sette olar aıqyn basymdylyq kórsetti – 6:1.
Fınaldyq match 1 saǵat 7 mınýtqa sozyldy.
Eske sala keteıik, budan buryn qazaqstandyq tennısshiniń Bratıslavadaǵy týrnırdiń, T.Skatovtyń Almaty jarysynyń fınalyna shyqqanyn jazǵan bolatynbyz.
Dmıtrıı Popko Almaty týrnıriniń fınalyna shyǵa almaı qaldy.
