Qazaqstandyq tennısshi Bosnııadaǵy jarystyń jartylaı fınalyna shyqty

ASTANA. QazAqparat – Qazaqstandyq Andreı Golýbev juptyq synda Bosnııa jáne Gertsegovınanyń Banıa-Lýka qalasynda ótip jatqan ATR 250 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi ýkraınalyq Denıs Molchanovpen birge shırek fınalda shvetsııalyq Andre Goransson – japonııalyq Ben Maklahlanmen sheberlik baıqasty.

Qazaqstandyq-ýkraınalyq jup bir saǵattan astam ýaqytqa sozylǵan básekede 6:3, 6:1 esebimen basym tústi.

A.Golýbev pen D.Molchanov fınalǵa shyǵý úshin ulybrıtanııalyq Djeımı Marreı – jańazelandııalyq Maıkl Vınýs nemese ekvadorlyqtar Gonsalo Eskobar – Dıego Idalgo juptarynyń qaı jeńgenimen talasady.

Banıa-Lýka dodasynda taǵy bir qazaqstandyq Aleksandr Nedovesov portýgalııalyq Frantsısko Kabralmen birge bastapqy kezdesýinde horvatııalyqtar Ivan jáne Mateı Shabanovtardy 6:4, 6:4 esebimen utty.

A.Nedovesov pen F.Kabral shırek fınalda frantsııalyqtar Sadıo Dýmbııa – Fabıen Rebýlmen kortqa shyǵady.

Eske sala keteıik, budan buryn Elena Rybakınanyń Shtýtgart týrnırin jeńispen bastaǵanyn jazǵan bolatynbyz.

Sondaı-aq Qazaqstanda alǵash ret tennısten álem chempıonatynyń irikteý saıystary ótedi.