Qazaqstandyq tennısshi Bosnııadaǵy týrnırdiń fınalynda utylyp qaldy
ASTANA. QazAqparat - Qazaqstandyq Aleksandr Nedovesov juptyq synda Bosnııa jáne Gertsegovınada ótken Banıa-Lýka ATP 250 týrnıriniń fınalynda jeńilip qaldy, dep habarlaıdy QazAqparat tilshisi.
Qazaqstandyq tennısshi portýgalııalyq Frantsısko Kabralmen birge fınalda osy jarystyń birinshi raketkalary, ulybrıtanııalyq Djeımı Marreı - jańazelandııalyq Maıkl Vınýspen bas júldeni sarapqa saldy.
Bir saǵat 22 mınýtqa sozylǵan kezdesýde ulybrıtanııalyq-jańazelandııalyq jup 7:5, 6:2 esebimen jeńiske jetti. Olar 1 eıs jasap, 8 breık-poınttyń úsheýin paıdalana bildi.
Maıkl álemdik reıtıngide juptyq synda 18-inshi, Djeımı 38-orynda tur. Ekeýi de «Úlken dýlyǵa» jarystarynda jeńimpaz atanǵan.
Aleksandr men Fransısko fınalǵa shyǵýy nátıjesinde ekeýi 15 190 eýro tabys taýyp, árqaısysy 150 reıtıngilik upaıǵa ıe boldy.
Eske sala keteıik, budan buryn qazaqstandyq tennısshiniń Bosnııadaǵy týrnırdiń fınalyna shyqqanyn jazǵan bolatynbyz.
