Qazaqstandyq tennısshi Bosnııadaǵy týrnırdiń fınalyna shyqty
ASTANA. QazAqparat - Qazaqstandyq Aleksandr Nedovesov Bosnııa jáne Gertsegovınanyń Banıa-Lýka qalasynda ótip jatqan ATP 250 týrnıriniń fınalyna shyqty, dep habarlaıdy QazAqparat tilshisi.
Qazaqstandyq tennısshi juptyq synda portýgalııalyq Fransısko Kabralmen birge jartylaı fınalda jarystyń 2-raketkalary, belgııalyqtar Sander Jılle jáne Ioran Flıgenmen sheberlik baıqasty.
Qazaqstandyq-portýgalııalyq jup eki saǵatqa sozylǵan tartysty básekede 6:7 (2:7), 7:6 (7:2), 10:8 esebimen jeńiske jetti.
Aleksandr men Fransısko fınalda dodanyń 1-raketkalary, ulybrıtanııalyq Djeımı Marreı - jańazelandııalyq Maıkl Vınýspen bas júldeni sarapqa salady.
Bul jup jartylaı fınalda taǵy bir qazaqstandyq Andreı Golýbev pen ýkraınalyq Denıs Molchanovty tize búktirdi - 6:3, 7:6 (7:1).
Eske sala keteıik, budan buryn taǵy bir qazaqstandyq tennısshiniń Bosnııadaǵy jarystyń jartylaı fınalyna shyqqanyn jazǵan bolatynbyz.
